Ujeedada Banaanbaxa ayaa waxaa la sheegay inay aheyd in la muujiyo sida shacabka reer Dhuusomareeb ay ugu faraxsan yihiin soo magacaabista Ra’iisul Wasaaraha cusub ee dalka Soomaaliya.

Dadweyne aad ufara badan ayaa isugu soo baxay Dibadbaxa kuwaasi oo aad ugu faraxsanaa soo magacaabista Ra’iisul Wasaaraha Soomaaliya.

Goobta dibadbaxa uu ka dhacaaye ayaa waxaa ka hadlay xubno kamid ah Ururka Ahlusuna kuwaasi oo sheegeen inay soo dhaweynayaan Ra’iisul Wasaaraha Soomaaliya.

Waxaa sidoo kale halkaasi ka hadlay Guddoomiyaha Maamulka Dowladda ee Degmada Dhuusomareeb ee Gobalka Galgaduud C/raxmaan Cali Maxamed oo sheegay inuu soo dhaweynaayo Ra’iisul Wasaaraha cusub ee Soomaaliya.

Sidoo kale shacabkii halkaasi isugu soo baxay ayaa dhamaantood u hambalyeeyay Ra’iisul Wasaaraha cusub ee dalka Soomaaliya ee shalay lasoo magacaabay.

Tan iyo shalay markii lasoo magacaabay Ra’iisul wasaaraha cusub ee dalka Soomaaliya ayaa waxa si aad isku soo taraaye hambalyada loo jeedinaayo,inkastoo aan la ogeen waxyaabaha uu la imaan doono.

Fikradaha Akhristayaasha (0)

Comments are closed.